Embedded Files
2005-ம் ஆண்டு நடைபெற்ற “நகைச்சுவையாளர்களின் நகைச்சுவையாளர்”
கருத்துக் கணிப்பில் உலகத்தின் தலை சிறந்த 20 நகைச்சுவை நடிகர்களில் ஒருவராக தேர்ந்தெடுக்கப்பட்ட
சாதனையாளர்
சார்லி சாப்ளின்
ஏப்ரல். 16- 1889 –
சார்லி சாப்ளின் பிறந்த தினம்
By - முனைவர். சேதுராமன்
மாநில அறிவியல் பிரச்சார
உப குழு - ஒருங்கிணைப்பாளர்
தமிழ்நாடு அறிவியல்
இயக்கம்.
ஓசூர். ஏப்ரல். 16. –
சர் சார்லஸ் ஸ்பென்ஸர் சாப்ளின் (Sir Charles Spencer Chaplin ஏப்ரல் 16, 1889 - டிசம்பர் 25, 1977) என்ற இயற்பெயர் கொண்ட சார்லி சாப்ளின், ஹாலிவுட் திரையுலகின் பெரும் புகழ்பெற்ற கலைஞர்.
இவருக்கு
நடிகர்,
இயக்குநர்,
இசையமைப்பாளர்,
திரைக்கதை எழுத்தாளர்,
திரைப்படத் தொகுப்பாளர்,
திரைப்படத் தயாரிப்பாளர்,
என்று பல முகங்கள் உள்ளன.
சாப்ளின், இலண்டனில் உள்ள வால்வோர்த்தில் சார்லசுக்கும் ஹன்னா ஹாரியட் ஹில்லுக்கும் மகனாகப் பிறந்தார். இவர் பெற்றோர் இருவரும் மியூசிக் ஹால் கலைஞர்கள்.
சாப்ளின் பிறந்த சில நாட்கள்
கழித்து இவர்களது
திருமண வாழ்க்கை முறிந்தது.
சாப்ளின் தனது அன்னையின் கண்காணிப்பில் வளர்ந்தார்.
1896ஆம் ஆண்டில் ஹாரியட்டிற்கு வேலை ஏதும் கிடைக்காத நிலையில், சார்லியும் அவரது சகோதரர் சிட்னியும் லாம்பெத் வொர்க்கவுசில் இருக்கும் நிலை ஏற்பட்டது.
பின்னர் இருவரும் Hanwell School for Orphans and Destitute Children என்னும் ஆதரவற்றோருக்கான பள்ளி ஒன்றில் வளர்ந்தனர்.
இதற்கிடையில், சாப்ளினின் தந்தை குடிப் பழக்கத்தால் உடல் நலம் குன்றி சாப்ளினின் பனிரண்டாவது வயதில் இறந்தார்.
இதனால் இவர் தாயும்
பெரும் மன உளைச்சலுக்கு உள்ளாகி கிராய்டனில் இருந்த கேன் ஹில் அசைலம் (Cane Hill Asylum) என்ற மன நலம் பாதிக்கப்பட்டோருக்கான காப்பகம் ஒன்றில் சேர்க்கப்பட்டார்.
பின்பு இவரும் 1928ஆம் ஆண்டில் இறந்தார்.
சாப்ளின் ஐந்து வயதிலேயே
நடிக்கத் தொடங்கி விட்டார்.
முதன் முதலில் 1894ஆம் ஆண்டில் மியூசிக் ஹாலில் தனது தாய்க்குப் பதிலாக ஒரு வேடத்தில் நடித்தார்.
சிறுவனாக பல நாட்கள் உடல் நலக் குறைவால் படுத்த படுக்கையாக இருந்தபொழுது, இரவுகளில் அவரது தாய் சன்னல் ஓரம் அமர்ந்து வெளியில் நடக்கும் நிகழ்வுகளை நடித்துக் காட்டுவார்.
சாப்ளினுக்கு பத்து வயதாக இருந்த பொழுது சிட்னி இலண்டன் ஹிப்போட்ரோமில் சின்ட்ரெல்லா பாண்டோமைமில் ஒரு பூனையாக, நகைச்சுவையான பாத்திரத்தில் நடிக்கும் வாய்ப்பை வாங்கித் தந்தார்.
1903ஆம் ஆண்டில்
"ஜிம், எ ரொமான்ஸ்
ஆஃப் காக்கைய்ன்"
(Jim, A Romance of Cockayne)
நாடகத்தில் நடித்தார்.
இதற்குப் பிறகு அவரது முதல் நிரந்தர வேலை கிடைத்தது -
செர்லாக் ஹோம்ஸ்
நாடகத்தில் செய்தித்தாள் விற்கும் சிறுவன் பில்லி வேடம்.
இதனைத் தொடர்ந்து
கேசீஸ் கோர்ட் சர்க்கஸ்
(Casey's Court Circus)
நடத்திய பல்சுவை நிகழ்ச்சியிலும்,
Fred Karno's
Fun Factory slapstick
நகைச்சுவை நிறுவனத்தில்
கோமாளி வேடத்திலும் நடித்தார்.
அமெரிக்காவின் குடிபெயர்வுப் பதிவுகளின்படி கார்னோ குழுவுடன் அக்டோபர் 2, 1912 - அன்று அமெரிக்கா வந்தடைந்தார்.
கார்னோ குழுவிலே ஆர்த்தர் ஸ்டான்லே ஜெப்பர்சனும் இருந்தார் - இவரே பின்னர் ஸ்டான் லாரலாக பிரபலமானார். இருவரும் சிறிது காலம் ஒரே அறையில் தங்கினர்.
2005-ம் ஆண்டு நடைபெற்ற “நகைச்சுவையாளர்களின் நகைச்சுவையாளர்”
கருத்துக் கணிப்பில் உலகத்தின் தலை சிறந்த 20 நகைச்சுவை நடிகர்களில் ஒருவராக சாப்ளின் தேர்ந்தெடுக்கப்பட்டார்.
--------------------------------.
Page updated
Google Sites
Report abuse