ஜோதி தமிழ்

செய்திகள்

இணையஇதழ்

மலர்-2-இதழ்கள் - 220

கிருஷ்ணகிரி மாவட்டம்

முதலமைச்சர் மாநில

இளைஞர் விருது

விண்ணப்பிக்க

கலெக்டர் தகவல்

செய்தி ஆசிரியர்- ஜோதி ரவிசுகுமார்,m.a.

"முதலமைச்சர் மாநில

இளைஞர் விருது"

2026-ஆம் ஆண்டிற்கான
முதலமைச்சர் மாநில இளைஞர் விருது
பெற தகுதியும், விருப்பமும் உள்ளவர்கள்
விண்ணப்பிக்கலாம் என
மாவட்ட ஆட்சித்தலைவர்
திரு.ச.தினேஷ் குமார் இ.ஆ.ப.,

அவர்கள் தகவல்.

கிருஷ்ணகிரி. ஜுன். 7. –

2026-ஆம் ஆண்டிற்கான

முதலமைச்சர் மாநில இளைஞர் விருது

பெற தகுதியும், விருப்பமும் உள்ளவர்கள்

விண்ணப்பிக்கலாம் என

மாவட்ட ஆட்சித்தலைவர்

திரு.ச.தினேஷ் குமார் இ.ஆ.ப.,
அவர்கள் தெரிவித்துள்ளார்.

இது குறித்து அவர் வெளியிட்டுள்ள

அறிக்கையில் கூறியிருப்பதாவது,

சமுதாய வளர்ச்சிக்கு சேவையாற்றும்

இளைஞர்களது பணியை

அங்கீகரிக்கும் பொருட்டு,

"முதலமைச்சர் மாநில இளைஞர் விருது"
ஒவ்வொரு ஆண்டும்
சுதந்திர தினத்தன்று
15 முதல் 35 வயது வரை உள்ள
3 ஆண்கள்

மற்றும்

3 பெண்களுக்கு
வழங்கப்பட்டு வருகிறது.
இந்த விருது
ரூ.1,00,000/- ரொக்கம்,
பாராட்டுப் பத்திரம்
பதக்கம்

ஆகியவைகளை உள்ளடக்கியதாகும்.

இதன்படி,

2026-ஆம் ஆண்டிற்கான
முதலமைச்சர் மாநில இளைஞர் விருது
எதிர்வரும் 15.08.2026 அன்று நடைபெறும்
சுதந்திர தின விழாவில்
வழங்கப்பட உள்ளது.

இவ்விருது தொடர்பாக கீழ்க்காணும்

தகுதிகள் வரையறுக்கப்பட்டுள்ளன.

1. 15 வயது முதல் 35 வயது வரையுள்ள ஆண் / பெண் ஆகியோர் விண்ணப்பிக்கலாம். ஏப்ரல் 1, 2025 (01.04.2025) அன்று 15 வயது நிரம்பியவராகவும். மார்ச் 31, 2026 (31.03.2026) அன்று 35 வயதுக்குள்ளாகவும் இருத்தல் வேண்டும்.

2. கடந்த நிதியாண்டில் (2025-2026) அதாவது 01.04.2025 முதல் 31.03.2026 வரை மேற்கொள்ளப்பட்ட சேவைகள் மட்டுமே

கருத்தில் கொள்ளப்படும்.

3. விருதிற்கு விண்ணப்பிக்கும் முன்பு குறைந்தபட்சம் 5 வருடங்கள் தமிழகத்தில் குடியிருந்தவராக இருத்தல் வேண்டும். (சான்று இணைக்கப்பட வேண்டும்)

4. விண்ணப்பதாரர்கள் சமுதாய நலனுக்காக தன்னார்வத்துடன் தொண்டாற்றியிருக்க வேண்டும். அவ்வாறு அவர்கள் செய்த தொண்டு. கண்டறியப்படக் கூடியதாகவும், அளவிடக் கூடியதாகவும் இருத்தல் வேண்டும்.

5. மத்திய மாநில அரசுகள், பொதுத் துறை நிறுவனங்கள், பல்கலைக்கழகங்கள்/கல்லூரிகள் / பள்ளிகளில் பணியாற்றுபவர்கள் இவ்விருதிற்கு விண்ணப்பிக்க இயலாது.

6. விண்ணப்பதாரருக்கு உள்ளூர் மக்களிடம் உள்ள செல்வாக்கு விருதிற்கான பரிசீலனையில் கணக்கில் கொள்ளப்படும்.

7. இணையதளம் மூலம் விண்ணப்பிக்க
கடைசி நாள் 06.07.2026 அன்று
மாலை 5.45 மணி ஆகும்.

8. விண்ணப்பங்கள் தமிழ்நாடு விளையாட்டு மேம்பாட்டு ஆணைய இணையதளம் www.sdat.tn.gov.in உள்ளது.

ஆன்லைன் மூலம் மட்டுமே

விண்ணப்பங்கள்

சமர்ப்பிக்க வேண்டும் என

மாவட்ட ஆட்சித்தலைவர்
திரு.ச.தினேஷ் குமார் இ.ஆ.ப.,

அவர்கள் தெரிவித்துள்ளார்.

----------------------------------------.