Embedded Files
1961 இல் வஸ்டோக் விண்கலத்தில் பயணித்து விண்வெளிக்கு சென்ற
முதல் மனிதன் என்ற
பெருமையைப் பெற்ற
சாதனையாளர்
யூரி ககாரின்
ஏப்ரல் 12 - சர்வதேச மனித
விண்வெளிப் பறப்பு தினம்
(International Day of
Human Space Flight)
By - முனைவர். சேதுராமன்
மாநில அறிவியல் பிரச்சார
உப குழு - ஒருங்கிணைப்பாளர்
தமிழ்நாடு அறிவியல்
இயக்கம்.
ஓசூர். ஏப்ரல். 12. –
விண்வெளி
ஆய்வுப் பயணம்
என்பது வானவியல் மற்றும்
விண்வெளி தொழில்நுட்பத்தினைப் பயன்படுத்தி புற விண்வெளிப் பிரதேசத்தினை
ஆராய்சி செய்வதாகும்.
ஐ. நா. சபை
மனித விண்வெளிப்
பயணத்துக்கான உலக தினத்தை ஆண்டுதோறும் ஏப்ரல் 12 தேதி கொண்டாடுவதற்கு ஐக்கிய நாடுகள் பொதுச்சபை தீர்மானம்
நிறைவேற்றியது.
ரஷியாவினால்
இதற்கான முன்மொழிவு கொண்டு வரப்பட்டது குறிப்பிடத்தக்கது.
விண்வெளி நாள் காரணம்...
50 ஆண்டுகள் நிறைவு
ஏப்ரல் 12 ஆம் தேதியை மனித விண்வெளி பயணத்துக்கான
சர்வதேச நாளாகப் பிரகடனம் செய்யப்படுவதற்கு
மூலமாக அமைந்த காரணம் விண்வெளிக்கு பயணித்த
முதலாவது மனிதனின்
விண்வெளிப் பயணம் நிகழ்ந்து
50வது ஆண்டுகள் பூர்த்தியடைந்ததுதான்.
மேகம்... மேகம் தூரம் போகும்,
மேஜிக் ஜர்னி...
ரஷியாவைச் சேர்ந்த
யூரி ககாரின்
1961 ஏப்ரல் 12 –
வஸ்டொக்- 1 விண்கலத்தில்
பயணம் செய்து 108 நிமிடங்கள்
பூமியைச் சுற்றி வந்து பாதுகாப்பாகத் தரையிறங்கினார்.
அது இப்போது உலகம் முழுக்க பரவியிருக்கிறது.
ககாரின்...
யூரி அலெக்சியேவிச் ககாரின் ரஷியாவில் மொஸ்கோ நகருக்கு மேற்கே அமைந்துள்ள க்ஸாட்ஸ்க் பகுதியில் உள்ள குளூஷினோ என்னும் இடத்தில்
1934, மார்ச் 9 இல் பிறந்தார்.
இவர் பிறந்த இப்பிரதேசம் பிற்காலத்தில் ககாரின் எனப் பெயரிடப்பட்டது.
(இவர் 1968ம் ஆண்டில் காலமானார்).
சொந்தவாழ்க்கை...
இவரது பெற்றோர் கூட்டு விவசாயப் பண்ணையில் வேலை பார்த்தார்கள். சரடோவ் உயர் தொழிநுட்பக் கல்லூரியில் தொழிற் பயிற்சி பெற்று அங்கு மென் விமான ஓட்டுநராக பகுதி நேரங்களில் பயிற்சி பெற்றார்.
1955 இல் ஒரென்பூர்க்
விமான ஓட்டுநர் பள்ளிக் கூடத்தில்
(Flight Orenburg Pilot's School)இல்
இணைந்து மிக்- 15 போர்
விமான ஓட்டுநராக பயிற்சி பெற்றார்.
1957 ம் ஆண்டில் வலென்டினா கொரசோவா என்பவரை திருமணம் செய்தார்.
நோர்வே எல்லையில் மூர்மன்ஸ்க் பகுதியில் உள்ள ராணுவ விமானத் தளத்தில் பணியை ஆரம்பித்தார்.
20ல் ஒருவர்....
1960 ஆம் ஆண்டு சோவியத் யூனியன் மனிதர்களை விண்வெளிக்கு அனுப்பி ஆராய்ச்சி செய்யும் திட்டத்தை தொடங்கியது.
இதில், 20 விண்வெளி வீரர்களில்
ஒருவரானார்.
இந்தத் திட்டத்தில்
இணைந்தவர்களுக்கு உடலியல் ரீதியிலும் உளவியல் ரீதியிலும் மிகவும் கடுமையான பயிற்சிகள் தரப்பட்டன.
விண்வெளியில்
பறந்த முதல்நபர்....
கடும் பயிற்சிக்குப் பின்னர்
ககாரின்,
கெர்மன் டீட்டோவ்,
ஆகிய இருவரும் விண்வெளிப் பயணத்திற்கு தேர்வானார்கள்.
ககாரின்
சோவியத் கம்யூனிஸ்ட் கட்சியால் விண்வெளியில் பயணிக்கும் முதல் மனிதராக அனுப்ப
தேர்வு செய்யப்பட்டார்.
சுத்தி... சுத்தி வந்தாராம்
யூரி ககாரின் ஏப்ரல் 12, 1961 இல்
வஸ்டோக்
விண்கலத்தில் பயணித்து விண்வெளிக்கு சென்ற
முதல் மனிதன்
என்ற பெருமையைப் பெற்றார்.
விண்கலத்தில் முதன் முதல் பூமியை
ஒரு முறை வலம் வந்தார்.
அவரது விண்கலம்
1:48 மணி நேரம் (108 நிமிடங்கள்) விண்வெளியில் பறந்தது.
---------------------------------.
Page updated
Google Sites
Report abuse