Embedded Files
கிருஷ்ணகிரி மாவட்டம்
ஓசூர் வட்டம்
பயறு வகைப் பயிர்களில் ஒருங்கிணைந்த பயிர் மேலாண்மை
அட்மா திட்டத்தில் விவசாயிகளுக்கு ஒரு நாள் பயிற்சி
ஓசூர். மே. 19. -
ஓசூர் வட்டாரத்தில் வேளாண்மைத்துறையின் மூலம் மாநில விரிவாக்கத் திட்டங்களின் உறுதுணை சீரமைப்புத் திட்டத்தின் கீழ் இடையநல்லூர் கிராமத்தில் பயறு வகைப் பயிர்களில் ஒருங்கிணைந்த பயிர் மேலாண்மைப் பற்றி 40 விவசாயிகளுக்கு உள்மாவட்ட அளவிலான ஒரு நாள் பயிற்சி நடத்தப்பட்டது.
இப்பயிற்சியில் 40-க்கும் மேற்பட்ட விவசாயிகள் கலந்து கொண்டனர்.
ஓசூர் வேளாண்மை உதவி இயக்குநர்
திருமதி. அ.புவனேஸ்வரி
அவர்கள்,
மண் வளம்
துவரை சாகுபடி தொழில்நுட்பங்கள்,
வரப்பு பயிர், ஊடுபயிர்
செய்வதன் பயன்கள்,
மண்ணின் வளத்தை மேம்படுத்த நுண்ணூட்ட உரங்கள் மற்றும் உயிர் உரங்கள் பயன்படுத்துவதன் முக்கியத்துவம் மற்றும் பயன்கள் பற்றியும், தரமான விதைகளை தேர்ந்தெடுத்து விதைநேர்த்தி செய்து விதைகளை விதைப்பதின் மூலம் பயிர் விளைச்சலை அதிகபடுத்தலாம் எனவும் மண் மாதிரி சேகரித்தலின் முக்கியத்துவம், மண் மாதிரி சேகரிக்கும் தொழில்நுட்ப முறைகள் பற்றியும் விவசாயிகளுக்கு விரிவாக விளக்கமளித்தார்.
ஓசூர் வேளாண்மை அலுவலர்,
திருமதி.த.ரேணுகா
அவர்கள்
இயற்கை விவசாயம்
இயற்கை விவசாயத்தில் செயற்கை உரங்களை தவிர்த்து இயற்கை உரங்கள் மூலம் விளைச்சல் அதிகப்படுத்தும் தொழில்நுட்ப முறைகள் பற்றியும், பஞ்சகாவியா, ஜீவாமிருதம் தயாரிப்பு பற்றியும், துவரையில் 2 சதவீத டீ.ஏ.பி கரைசல் தெளிப்பதின் பயன்கள், நுனிகிள்ளுவதால் பக்க கிளைகள் பெருகி அதிக காய்கள் பிடிக்கும் என விவசாயிகளுக்கு நுனி கிள்ளுவதின் பயன்கள் பற்றி விளக்கமளித்தார்.
அதியமான் வேளாண் கல்லூரி,
உதவி பேராசிரியர்,
செல்வி.ஞானகீர்த்தி சாகசா
அவர்கள்
துவரை பயிரில் ஒருங்கிணைந்த முறையில் பூச்சி மற்றும் நோய் கட்டுப்படுத்தும் முறைகள் பற்றியும், நீம் அஸ்திரா தயார் செய்யும் தொழில்நுட்ப முறைகள் பற்றியும், மஞ்சள் வண்ண அட்டை, சூரிய விளக்கு பொறி பயன் படுத்துவதன் மூலம் தீமை செய்யும் பூச்சிகளை கட்டுப்படுத்தலாம் எனவும் விவசாயிகளுக்கு விளக்கி கூறினார்.
உதவி வேளாண்மை அலுவலர்
திரு.சுந்தர்ராஜ்
அவர்கள்
பயிர் காப்பீட்டுத் திட்டத்தின்
முக்கியத்துவம் பற்றியும் உழவன் செயலி பயன்கள் பற்றியும், துவரை, கேழ்வரகு சாகுபடிக்கு மானியத் திட்டங்கள் பற்றி விவசாயிகளுக்கு கூறினார்.
அட்மா திட்ட உதவி
தொழில்நுட்ப மேலாளர்
திரு.சண்முகம்
அவர்கள்
அட்மா திட்ட செயல்பாடுகள், பயன்கள் பற்றியும்,
Waste Decomposter தயாரிப்பு பற்றி செயல்விளக்கம் செய்து காண்பித்தார்.
துண்டு பிரசுரங்கள்
மேலும் பயிற்சியில் கலந்து கொண்ட விவசாயிகளுக்கு ஒருங்கிணைந்த முறையில் பூச்சி நோய் கட்டுப்படுத்தும் தொழில்நுட்பங்கள் அச்சிடப்பட்ட
துண்டு பிரசுரங்கள் வழங்கப்பட்டன.
இப்பயிற்சிக்கான ஏற்பாடுகளை
உதவி தொழில்நுட்ப மேலாளர்
செல்வி.காவியா
அவர்கள்
செய்திருந்தார்.
-------------------------------.
Page updated
Google Sites
Report abuse