ஜோதி தமிழ்

செய்திகள்

இணைய இதழ்

மலர் - 1. இதழ்கள் - 152

ஐ.எஸ்.ஓ. - ஆரம்பிக்கப்பட்ட நாள்

news editor - jothi Ravisugumar.

உலகம் முழுவதும் தனியுரிமை, தொழில்துறை மற்றும் வணிக தரநிலைகளை ஊக்குவிக்கும்

அமைப்பு

ஐ.எஸ்.ஓ.

பிப்ரவரி 23 - 1947 -

ஐ.எஸ்.ஓ. ஆரம்பிக்கப்பட்ட நாள்

By - முனைவர். சேதுராமன்

மாநில அறிவியல் பிரச்சார

உப குழு - ஒருங்கிணைப்பாளர்

தமிழ்நாடு அறிவியல்

இயக்கம்.

ஓசூர். பிப். 23. –

சீர்தரத்துக்கான அனைத்துலக நிறுவனம்

உலகின் பல நாடுகளின் நாடளாவிய சீர்தர (நியமங்கள்) நிறுவனங்களை உறுப்பினராகக் கொண்ட, சீர்தரங்களை உருவாக்கும் உலக நிறுவனமே சீர்தரத்துக்கான அனைத்துலக நிறுவனம் (International Organization for Standardization) ஆகும்.

தனியுரிமை தொழில்துறை மற்றும்

வணிக தரநிலைகளை இந்த அமைப்பு உலகம் முழுவதும் ஊக்குவிக்கிறது.

இது ஜெனீவா, சுவிட்சர்லாந்தில் தலைமையகமாக கொண்டு 164 நாடுகளில் செயல்படுகிறது.

சக்தி வாய்ந்த நிறுவனம்

ISO எனப் பொதுவாகக் குறிப்பிடப்படும் இது ஒரு அரசு சார்பற்ற நிறுவனம் ஆகும்.

எனினும் இது உருவாக்கும் தரங்கள் (நியமங்கள்), நாடுகளுக்கு இடையேயான ஒப்பந்தங்கள் மூலமோ அல்லது நாட்டுத் தரங்கள் (தேசிய நியமங்கள்) மூலமாகவோ சட்டமாகும் வாய்ப்புகள் இருப்பதால், வேறு பல அரசுசார்பற்ற நிறுவனங்களைவிட இது சக்தி வாய்ந்ததாகும்.

உலகின் பல பெரிய வணிக நிறுவனங்களும், இதன் உறுப்பு நாடுகளிலிருந்து குறைந்தது ஒவ்வொரு தரங்கள் (நியமங்கள்) நிறுவனமும் இதன் நடவடிக்கைகளில் பங்கு கொள்கிறார்கள்.

இது மின் கருவிகள், துணைக்கருவிகளின் தரம் நிறுவும் அனைத்துலக மின்தொழில்நுட்ப ஆணையத்துடன் (IEC) நெருக்கமாக இணைந்து தொழிற்பட்டு வருகிறது.

ISO என்பது இந்த நிறுவனத்தின் ஆங்கிலப் பெயரின் சுருக்கமாகப் பிழையாகக் கருதப்பட்டு வருகிறது.

பல்வேறு மொழிகள் வழங்கும் பல நாடுகள் இந்த நிறுவனத்தில் இருப்பதால், ஒவ்வொரு நாடும் தங்கள் மொழிகளிலுள்ள இந்நிறுவனத்தின் பெயர்களை வெவ்வேறு விதமாகச் சுருக்கிப் பயன்படுத்துவதைத் தவிர்க்குமுகமாக சமம் எனப் பொருள் தரும் isos என்னும் கிரேக்கச் சொல்லிலிருந்து பெறப்பட்ட ISO (ஐஎஸ்ஓ) என்ற பெயரைப் பயன்படுத்திவருகிறார்கள்.

ஐஎஸ்ஓ 9000

ஐஎஸ்ஓ நிறுவும் தரங்களில் (நியமங்களில்) மிகப் பெரும்பான்மையானவை ஒரு குறிப்பிட்ட உற்பத்திப்பொருள் அல்லது செயல்முறைகளுக்கெனச் (process) சிறப்பாக உருவாக்கப்பட்டவை. சில ஒரு துறை முழுவதற்குமே பொதுவாகப் பொருந்தக் கூடியவை.

இப்போது பரவலாக அறியப்படுகின்ற ஐஎஸ்ஓ 9000 மற்றும் ஐஎஸ்ஓ 14000 தொடர் இலக்கங்கள் கொண்ட நியமங்கள் இரண்டாம் வகையைச் சேர்ந்தனவாகும்.

-------------------------------------------------.